Doutor pola Universidade de Vigo cunha formación avanzada, de carácter multidisciplinar, orientada a promover a investigación no campo das novas tecnoloxías e os procesos industriais. Trátase dun especialista e investigador práctico de alto nivel técnico e científico que aplica os métodos analíticos da enxeñería industrial, desenvolve investigación aplicada, e aplica a tecnoloxía para resolver problemas complexos, achegando novo coñecemento e solucións no campo das tecnoloxías avanzadas e os procesos industriais.

Unha vez acadado o título de doutor/a pola Universidade de Vigo tes ao teu alcance oportunidades laborais acordes a este nivel de formación: Traballar nunha empresa privada ou centro tecnolóxico, dirixindo un grupo ou departamento de I+D+i. Acceder a un contrato postdoutoral, é dicir, traballar nun centro de investigación para ampliar a formación e especializarse nun tema concreto de investigación. Seguir unha carreira académica: Investigar e dar clases na universidade tanto pública como privada. Crear unha empresa a partir dos resultados da investigación realizada: spin off, empresa de base tecnolóxica, ou participar en proxectos de autoemprego. Programas postdoutorais Programa Juan …

O noso obxectivo é que ninguén quede excluído/a do ensino superior por razóns económicas. Atopa toda a información sobre as bolsas que poden axudarche a financiar os teus estudos de doutoramento e os trámites asociados na seguinte ligazón: https://novo.uvigo.gal/estudar/xestions-estudantes/bolsas

O cómputo do tempo de permanencia nos estudos de doutoramento contarase desde a primeira matrícula no doutoramento ata a presentación da solicitude de depósito da tese. Permanencia máxima nos estudos de doutoramento No caso de matrícula a tempo completo, a duración máxima dos estudos será de 3 anos. No caso de matrícula a tempo parcial será de 5 anos. Cando o/a doutorando/a utilice ambas as dúas modalidades de matrícula, computarase para todos os efectos a duración dos estudos de doutoramento en termos de estudos a tempo completo, e considerarase que un ano de matrícula a tempo parcial equivale a 0,6 …

Naqueles casos nos que o estudante non cumpra algunha das condicións de admisión, a Comisión Académica poderá admitir ao estudante a condición de que cumpra os requisitos de acceso e a Comisión Académica considere que a súa formación é suficiente para afrontar con garantías de éxito a realización da Tese Doutoral. Nestes casos a Comisión Académica ( CAPD) poderá establecer a necesidade de superar complementos de formación durante o programa de doutoramento. Como competencias previas requiridas para a admisión ao programa e en función das cales a CAPD definirá os complementos de formación, se consideran as competencias básicas establecidas polo …

Principais grupos de investigación que colaboran co Programa de Doutoramento en Investigación e Tecnoloxías Avanzadas na Industria: Applied Power Electronics Technology (APET) Jesús Doval GandoyURL: apetrg.webs.uvigo.esEmail: apetrg@uvigo.esLiñas: Electrónica de potencia. Enerxías renovables. Calidade da enerxía. Accionamentos eléctricos. Enerxía Eléctrica (en.e) José Cidrás PidreURL: grupo_ene.webs.uvigo.esEmail: grupo_ene@uvigo.esLiñas: Enerxías renovables: simulación e integración en redes eléctricas. Redes de enerxía eléctrica: planificación, análise, control e protección. Tecnoloxía eléctrica. Calidade de Subministración. Sistemas de eficiencia enerxética. Avaliación da eficiencia enerxética en instalacións. Termografía Infravermella de instalacións eléctricas. Aplicacións dos Láseres (LASERON) Juan M. Pou SarachoURL: laseron.webs.uvigo.esEmail: jpou@uvigo.esLiñas: Tratamento de superficies de biomateriais mediante láser. Produción …

Na seguinte ligazón podes consultar a memoria vixente do título: Memoria DITPA

PRINCIPAIS TRÁMITES RECOLLIDOS NO REGULAMENTO DE ESTUDOS DE DOUTORAMENTO DA UNIVERSIDADE DE VIGO: https://secretaria.uvigo.gal/uv/web/normativa/public/show/368 Artigo 32. COMPROMISO DE SUPERVISIÓN As funcións de supervisión, tutela e seguimento dos/as estudantes reflectiranse nun compromiso de supervisión. O devandito compromiso será asinado por unha representación específica designada pola universidade, o titor/a e o doutorando/a, nun prazo máximo dun mes que contará desde a data de matrícula, e incorporarase a sinatura do director/a no momento da súa designación. Este compromiso de supervisión incorporarase ao documento de actividades do doutorando/a no momento da súa sinatura por todas as persoas implicadas. No compromiso de supervisión especificarase a relación académica entre …