Tras uns anos de parón, nos que non foi posible a súa celebración polos acontecementos vividos, volta a competición de robos da EEI!! con novas probas, novos retos e ilusións e enerxías renovadas. A competición celebrarase o venres 21 de abril e terá lugar coma sempre na Escola de Enxeñería Industrial – Sede Campus.
O concurso de robots é un concurso que vimos impulsando dende a EEI co obxecto de despertar o interese polas disciplinas STEAM. Pretende ser unha xornada de convivencia na que poder compartir experiencias con outras persoas que teñen en común unha mesma paixón.
Unha oportunidade para aprender na que os equipos concursantes poderán familiarizarse co mundo da robótica participando na montaxe e programación dun robot móbil partindo do kit básico establecido pola organización.
Dende a Escola xa temos todo preparado para que nas vindeiras datas, do 10 de xaneiro ao 30 de xaneiro ás 14:00 horas, poidas realizar a inscrición. Estes días lanzaremos toda a información de interese para participar no concurso (bases, probas, instrucións…) e a partir do día 10 de xaneiro xa poderás realizar a inscrición.
Se desexas recibir información podes escribirnos ao correo eei.robots@uvigo.es e resolveremos todas as túas dúbidas.
Comeza a prepararte! Esperámoste!
