Rematado o prazo establecido para solicitar a modalidade de avaliación global neste primeiro cuadrimestre (do 10 de setembro ao 15 de outubro), xa está dispoñible a resolución das solicitudes concedidas.
No caso das solicitudes recibidas fóra de prazo, o Centro non garante a concesión da modalidade de avaliación global. Nestes casos, debedes contactar directamente co profesorado ou coa coordinación da materia.
Así mesmo, se o profesorado dalgunha materia ou titulación establecese un prazo adicional ao fixado polo Centro, debedes contactar directamente con eles e seguir as súas indicacións.
Lembrámosvos que, ao inicio do segundo cuadrimestre, coincidindo co período de modificación de matrícula da Universidade (febreiro), abrirase un novo prazo dun mes para solicitar a modalidade de avaliación global. Informarase por estas mesmas canles e o procedemento será análogo ao do primeiro cuadrimestre, mediante o formulario habilitado en Moovi.
Para calquera aclaración, podedes contactar con eei.secretario@uvigo.gal.
Documentos e enlaces
