NOTICIAS
AXENDA
Xornada Ágora Cátedra Telefónica
Nun contexto de profunda transformación tecnolóxica, a conectividade consolídase como un dos principais motores da industria do futuro. Tecnoloxías como o 5G, o IoT ou a computación en Edge están a redefinir os modelos produtivos e a impulsar contornos máis eficientes, flexibles e sostibles, nos que os datos e a intelixencia se converten en activos clave para a competitividade.
A xornada Ágora «Conectividade Intelixente: a Industria do Mañá» nace co obxectivo de xerar un espazo de reflexión e diálogo entre a universidade, a empresa e as institucións arredor do papel das infraestruturas dixitais na evolución do tecido industrial. Desde a automatización avanzada ata a fábrica hiperconectada, a conectividade abre novas oportunidades que transforman non só os procesos produtivos, senón tamén o talento, a innovación e a competitividade.
Este encontro adquire un significado especial ao celebrarse no marco do 125 aniversario do inicio dos primeiros estudos de industriais, así como do 25 aniversario da Rede de Cátedras Telefónica, que desde hai anos impulsa a colaboración entre universidade e empresa para favorecer a adopción de tecnoloxías disruptivas e o desenvolvemento do talento dixital.
A xornada celebrarase na Escola de Enxeñaría Industrial – Sede Campus, onde terán lugar as sesións institucionais e de debate. O programa completarase cunha exposición e unha conferencia do Centro Tecnolóxico de Automoción de Galicia (CTAG), que permitirán ás persoas asistentes coñecer de primeira man a aplicación destas tecnoloxías nun dos contornos industriais máis avanzados do noso país.
📅 20 de novembro.
🕙 10:00 horas.
📍 Escola de Enxeñaría Industrial – Sede Campus.
Consulta máis información no seguinte documento.
125 anos do inicio dos estudos de industriais en Vigo: recuperando unha das súas tradicións estudantís máis emblemáticas.
Unha viaxe ao pasado a través das lembranzas e das historias que marcaron varias xeracións de estudantes. A Escola de Enxeñaría Industrial - Sede Cidade acollerá a presentación dunha exposición dedicada ao Destornillo, unha iniciativa que permitirá achegar ás novas xeracións unha parte da historia da Escola e da súa vinculación coa cidade de Vigo.
O Destornillo naceu en 1954 da man do alumnado da antiga Escola de Peritos Industriais de Vigo e axiña se converteu nunha celebración que transcendeu o ámbito académico. As súas características carrozas, construídas con cartón, ferro e outros materiais, percorrían as rúas da cidade facendo do humor, da sátira e da creatividade unha forma de expresión e de crítica social.
Baixo o lema «Contra todo, porque si», esta festa foi durante anos un símbolo da irreverencia e do espírito participativo do estudantado, deixando unha pegada singular na vida universitaria e cultural de Vigo.
A conmemoración dos 125 anos ofrece tamén unha oportunidade para lembrar as orixes dos estudos industriais na cidade e poñer en valor o legado das xeracións que contribuíron á historia da Escola. A presentación da exposición contará coa participación de protagonistas históricos do Destornillo, que compartirán as súas experiencias e lembranzas arredor dunha celebración que marcou toda unha época.
Programa do acto
- Benvida ao acto de inauguración da Exposición.
- Presentación da Exposición sobre "O Destornillo": cabalgata e revista.
- Intervencións de participantes históricos en "O Destornillo".
- Inauguración da Exposición.
- Peche do acto.
Información do acto
📅 Data: Xoves, 29 de outubro de 2026.
🕓 Horario: 19:30 – 20:30 horas.
📍 Lugar: EEI – Sede Cidade.
👥 Organiza: COITIVIGO.
Presentación e posta en marcha dos proxectos STEMbach correspondentes ao novo bienio.
A Escola de Enxeñaría Industrial (EEI) da Universidade de Vigo acollerá o próximo martes 27 de outubro unha xornada de presentación do programa STEMbach correspondente ao bienio 2026/2028.
STEMbach é un programa de Bacharelato de Excelencia en Ciencias e Tecnoloxía impulsado pola Xunta de Galicia que busca favorecer o desenvolvemento das competencias clave para o século XXI e fomentar as vocacións científicas e tecnolóxicas mediante a investigación e o contacto directo co ámbito universitario.
No marco desta iniciativa, a EEI colabora con centros de educación secundaria de Galicia a través de diferentes proxectos de investigación que permiten ao alumnado entrar en contacto coa enxeñaría, desenvolver as súas propias ideas e coñecer de primeira man o traballo que se realiza na universidade.
A xornada servirá para dar a coñecer o programa deste novo bienio, achegar ás persoas participantes á Escola e celebrar as primeiras reunións dos proxectos que se desenvolverán durante o bienio 2026/28.
Programa da xornada
- 15:45 horas | Recepción das persoas asistentes.
- 16:00 horas | Benvida do director da EEI.
- 16:10 horas | Presentación do programa STEMbach.
- 16:30 horas | Explorando a EEI.
- 16:45 horas | Reunión dos equipos dos proxectos STEMbach 2026-2028.
📅 Data: martes, 27 de outubro de 2026.
🕓 Horario: 15:45–17:45 horas.
📍 Lugar: Salón de Actos da Escola de Enxeñaría Industrial – Sede Campus.
Coordinación STEMbach na EEI:
Xanel Vecino Bello, subdirectora de Alumnado e Relacións Institucionais.
✉️ eei.alumnado@uvigo.gal
Máis información sobre o programa STEMbach e os proxectos da Escola:
Unha viaxe pola historia - o gran reencontro
En outubro de 1976 comezaban os estudos de Enxeñaría Industrial en Vigo. Cincuenta anos despois, queremos celebrar este fito coa comunidade que, ao longo de cinco décadas, contribuíu a construír esta historia.
📅 Sábado 24 de outubro
📍 Escola de Enxeñería Industrial – Sede Campus
A celebración terá como acto central un encontro aberto ás diferentes xeracións de estudantes, persoas egresadas, profesorado, persoal e demais persoas vinculadas á Escola, que co seu esforzo e compromiso contribuíron a construír estes cincuenta anos de historia, formación, innovación e desenvolvemento.
Programa
10:45 h | Recepción e acreditación
Benvida no vestíbulo, con exposición de orlas e fotografías históricas. Haberá tamén espazos para empresas e networking desde o primeiro momento.
Prégase puntualidade, xa que o acto dará comezo ás 11:00 h.
11:00 h | Apertura oficial e saúdo institucional
Benvida a cargo da dirección da Escola, acompañada da representación institucional. Presentación do fío condutor do acto: «Naceu, viviu, o futuro por vir».
11:15 h | Mesa redonda «Fixeron escola»
Profesorado xubilado que marcou varias xeracións e directivos de empresas compartirán lembranzas, anécdotas e reflexións sobre o futuro da enxeñaría, nunha conversa moderada por unha persoa egresada.
12:05 h | Relatorio: industria, talento e innovación
Unha reflexión sobre o papel da enxeñaría no Vigo da próxima década, a cargo dun alto directivo empresarial (duración aproximada: 20 minutos).
12:30 h | Presentación do libro do 50º aniversario
O profesor Luis Espada, director do Observatorio de Persoas Egresadas, presentará o libro elaborado polo Observatorio, que recolle medio século de historia dos estudos de enxería industrial.
13:00 h | Cóctel e petisco
Tras o acto institucional, as persoas asistentes poderán compartir un aperitivo nun espazo distendido para o reencontro, a conversa e o intercambio de lembranzas e experiencias entre as distintas xeracións da comunidade da EEI.
A asistencia ao acto do 24 de outubro require inscrición previa.
Podes consultar máis información e formalizar a inscrición a través do seguinte formulario:
Formulario de inscrición – Acto do 50º aniversario (24 de outubro)
Coñece as oportunidades que a enxeñaría industrial ofrece para o teu futuro académico e profesional.
A Escola de Enxeñería Industrial da Universidade de Vigo estará presente na 15ª edición do Salón de Oferta de Educación e Formación de Galicia (EDUGAL), que se celebrará do 21 ao 23 de outubro de 2026 no Recinto Feiral de Pontevedra.
Durante a feira, poderás coñecer de primeira man a oferta formativa da Escola e atopar resposta ás túas dúbidas sobre as diferentes posibilidades para o teu futuro académico e profesional. Unha oportunidade para achegarte á enxeñaría industrial e descubrir as opcións e oportunidades que ofrece esta formación.
EDUGAL reúne estudantes, familias, profesorado, orientadores e profesionais da educación, e ofrece un amplo programa de charlas, demostracións e obradoiros para dar a coñecer as diferentes alternativas educativas e formativas dispoñibles en Galicia.
📅 Do 21 ao 23 de outubro de 2026.
📍 Recinto Feiral de Pontevedra.
🕙 Mércores e xoves: de 10:00 a 18:00 horas.
🕙 Venres: de 10:00 a 14:00 horas.
🎟️ Entrada gratuíta.
Consulta máis información sobre a feira na web de EDUGAL.
Un encontro coa historia - viaxando no tempo
📅 20 de outubro
📍 Escola de Enxeñería Industrial – Sede Campus
Un primeiro encontro aberto á comunidade para poñer en valor a traxectoria da Enxeñería Industrial en Vigo e a súa contribución ao desenvolvemento industrial, tecnolóxico e social da nosa contorna.
Entrada libre e sen necesidade de inscrición previa.
A Escola abre as súas portas para viaxar no tempo. Alumnado, profesorado e persoas egresadas percorrerán a Escola dos seus primeiros anos, recuperarán a moda de diferentes décadas e celebrarán xuntos medio século de historia, nunha xornada que terá como escenario o vestíbulo da Escola.
Programa
12:00 h | Inmersión na Escola da época
Viaxe no tempo aos primeiros anos da Escola, con aulas e espazos ambientados nos anos 70. Material docente, apuntamentos, regras de cálculo e fotografías da época permitirán descubrir como se estudaba Enxeñaría Industrial naquela época.
12:30 h | Radio en directo desde o vestíbulo
Emisión en directo ata as 14:00 h, con entrevistas a persoas de diferentes promocións, música de época e fotografías que repasan os 50 anos de historia dos estudos de Enxeñaría Industrial.
13:00 h | Concurso de vestimenta de época
O alumnado recuperará a moda das diferentes décadas da Escola, desde os anos 70 ata a actualidade, nun desfile no vestíbulo que será retransmitido en directo pola radio. Haberá un premio á mellor caracterización.
Protocolo de prevención do acoso sexual e por razón de sexo na UVigo
Esta formación presencial e dinámica terá lugar o xoves 15 de outubro, de 12:00 a 13:30 horas, na Aula de Grao da EEI – Sede Campus.
A formación ofrece recursos prácticos para sensibilizar e capacitar o alumnado na identificación e comprensión das violencias machistas no contexto universitario, con especial atención ao acoso sexual e ao acoso por razón de sexo. Así mesmo, promove a adquisición de ferramentas para recoñecer, previr e actuar ante estas situacións no día a día.
Pode consultarse máis información na seguinte ligazón: Programa formativo Voces de cambio.
Formación para o desenvolvemento e a presentación destes proxectos
O próximo 14 de outubro, de 16:00 a 18:00 horas, terá lugar unha sesión formativa dirixida ao alumnado dos proxectos STEMbach do bienio 2025/27.
A sesión ten como obxectivo proporcionar ao alumnado ferramentas e competencias para o desenvolvemento dos seus proxectos, abordando aspectos como a redacción dun proxecto STEMbach, a preparación da súa posta en escena e a defensa final.
Os proxectos que se están a desenvolver nesta edición son:
👉 «Los disolventes del futuro: ¿pueden aplicarse para la eliminación de contaminantes de aguas residuales industriales?»
👉 «PhytoBeats: cómo la frecuencia del sonido modula el crecimiento vegetal»
👉 «Sistema embebido Wi-Fi de bajo coste para la vigilancia del radón en centros educativos»
👉 «Diseño e implementación de kit para monitorización de niveles de radón en viviendas, empleando WiFi»
👉 «Plan integral de negocio: segmentación, canales e implementación para guiado acuático con IA»
O Bacharelato de Excelencia en Ciencias e Tecnoloxía (STEMbach) forma parte da Estratexia Galega de Educación Dixital EDUDixital 2020.
30 de setembro e 1 de outubro
Máis alá da aula: prácticas, mobilidade e colaboración.
Os días 30 de setembro e 1 de outubro celebraranse as xornadas de acollida dirixidas ao alumnado de 3.º curso da Escola.
Durante estas xornadas presentaranse diferentes oportunidades e recursos de interese para o estudantado, con información sobre:
- Prácticas académicas.
- Mobilidade.
- Bolsas de colaboración en departamentos.
Unha oportunidade para coñecer de primeira man as distintas opcións dispoñibles e resolver dúbidas sobre os procedementos e requisitos.
Podes asistir a unha das seguintes reunións:
Sede Cidade
📅 Mércores 30 de setembro
🕐 13:30 horas
📍 Paraninfo
Duración estimada: 1 hora e 30 minutos.
Sede Campus
📅 Xoves 1 de outubro
🕐 13:30 horas
📍 Salón de actos
Duración estimada: 1 hora e 30 minutos.
Non perdas esta oportunidade!
O vindeiro venres 25 de setembro de 2026 celebrarase unha nova edición da G-Night, a Noite Galega das Persoas Investigadoras. Nesta VI edición, este evento ten como obxectivo achegar a ciencia e a investigación á cidadanía, fomentar a divulgación científica e poñer en valor a importancia da investigación para o avance da sociedade.
O programa reunirá propostas de divulgación científica, demostracións e actividades participativas e a Escola de Enxeñaría Industrial (EEI) estará un ano máis presente nesta cita coa ciencia.
Persoal investigador e docente da EEI participará nas actividades que se desenvolverán no Edificio Redeiras e na Praza do Berbés, en Vigo, de 17:00 a 21:00 horas, compartindo coñecementos e experiencias e achegando a ciencia e a enxeñaría á cidadanía dun xeito ameno e próximo.
A feira contará con actividades para todas as idades, polo que será unha ocasión perfecta para descubrir, aprender e gozar da ciencia en familia.
Consulta o programa completo.
Agardámoste!
📅 22 e 23 de setembro de 2026
📍 Escola de Enxeñaría Industrial - Sede Campus
As II Xornadas de Enxeñaría Biomédica nacen como un punto de encontro entre a enxeñaría e a medicina, reunindo durante dous días a alumnado, profesorado, persoal investigador e profesionais do sector para abordar diferentes ámbitos da enxeñaría biomédica e as súas aplicacións na saúde.
O programa inclúe:
Martes 22 de setembro
- Acto de apertura e inauguración.
- Charla Tecnología al servicio del neurocirujano: sistemas de asistencia quirúrgica, a cargo do Dr. Manuel Carballo Quintá.
- Mesa redonda Mujeres STEM: Realidades y Desafíos.
- Obradoiro de Beta Implants: Ingenieros + Veterinarios: el equipo detrás de las soluciones clínicas.
- Exhibición do robot EDGE MP1000.
- Stands.
Mércores 23 de setembro
- Charla Avances en Electrofisiología Cardiológica, a cargo da Dra. Pilar Cabanas e Paula Barrio.
- Charla Inteligencia Artificial y supercomputación en salud, a cargo de Benigno Rosón e o Dr. Javier Cacheiro López.
- Mesa redonda de egresados/as: Oportunidades después de la carrera.
- Obradoiro de Gradiant: Clasificación de secuencias proteicas mediante representación del juego del caos y redes neuronales profundas.
- Exhibición do robot EDGE MP1000.
- Stands.
Máis información: https://jib.webs.uvigo.es/
Esperámoste!
21 e 23 de setembro
Es estudante de 4º? Sabes responder ás seguintes preguntas?
— Que diferenza hai entre prácticas curriculares e extracurriculares?
— Podo facer prácticas no verán?
— Podo facer prácticas no estranxeiro despois de titularme?
— Canto poden durar as prácticas?
— As prácticas son remuneradas?
— Podo presentar o TFG se me queda algunha materia pendente?
— Se presento o TFG en setembro, teño que volver pagar a matrícula?
— Que opcións teño para continuar os meus estudos?
— Podo optar a algún programa de mobilidade sendo alumno/a de 4º?
Se tes dúbidas sobre estas ou outras cuestións, podes asistir a unha das seguintes reunións:
Sede Cidade
📅 Luns 21 de setembro
🕐 16:00 horas
📍 Paraninfo
Duración estimada: 1 hora e 30 minutos.
Sede Campus
📅 Mércores 23 de setembro
🕐 13:30 horas
📍 Aula 5
Duración estimada: 1 hora e 30 minutos.
10:00 horas - Sede campus. 16:00 horas - Sede cidade
A Escola de Enxeñaría Industrial dará a benvida ao alumnado de novo ingreso o 2 de setembro cunha xornada de acollida que se desenvolverá en horario de mañá na Sede Campus e en horario de tarde na Sede Cidade, co obxectivo de facilitar a incorporación á vida universitaria e dar a coñecer a Escola, os seus servizos e recursos.
🟦 Sede Campus
📅 2 de setembro · 🕙 10:00 h · 📍 Salón de Actos
Programa
- 10:00 – 10:10 h: Benvida.
- 10:10 – 11:45 h: Actividades de acollida.
- 11:45 – 11:55 h: Información sobre prevención de riscos.
- 11:55 – 12:00 h: Peche.
🟩 Sede Cidade
📅 2 de setembro · 🕓 16:00 h · 📍 Paraninfo
Programa
- 16:00 – 16:10 h: Benvida.
- 16:10 – 17:45 h: Actividades de acollida.
- 17:45 – 17:55 h: Información sobre prevención de riscos.
- 17:55 – 18:00 h: Peche.
Importante: para participar nestas xornadas é imprescindible realizar o rexistro previo a través do formulario de inscrición.
Podes consultar toda a información na nova publicada na web da EEI.
