A Escola de Enxeñería Industrial da Universidade de Vigo xorde da integración nun único centro da Escola Técnica Superior de Enxeñeiros Industriais (ETSEE) e a Escola Universitaria de Enxeñería Técnica Industrial (EUETI), dedicadas ás ensinanzas universitarias no ámbito da enxeñería industrial.
Como centro docente encárgase da xestión administrativa e a organización das ensinanzas universitarias conducentes á obtención dos títulos académicos de:
- Grao en Enxeñería en Tecnoloxías Industriais
- Grao en Enxeñería en Organización Industrial
- Grao en Enxeñería Eléctrica
- Grao en Enxeñería Mecánica
- Grao en Enxeñería en Electrónica Industrial e Automática
- Grao en Enxeñería en Química Industrial
- Grao en Enxeñería Biomédica
- Grao en Enxeñería da Automoción con mención dual (Implantación para o curso 2024/25)
- Dobre Grao en Enxeñería Electrónica Industrial e Automática e Enxeñería Mecánica
- Dobre Grao en Enxeñería Biomédia e Enxeñería Electrónica Industrial e Automática
- Dobre Grao en Enxeñería Biomédia e Enxeñería Mecánica
- Mestrado en Enxeñería Industrial
- Mestrado en Enxeñería Biomédica
- Mestrado en Fabricación Aditiva
- Mestrado en Dirección e Innovación da Cadea de Subministración
- Mestrado en Enxeñería da Automoción
- Mestrado en Industria 4.0
- Mestrado en Mecatrónica
- Mestrado en Prevención de Riscos Laborais
- Mestrado en Enerxía e Sustentabilidade
Ademais, o centro xestiona os Programas Académicos con Percorridos Sucesivos (PARS):
- PARS en Mestrado en Enxeñaría Industrial vía Grao en Enxeñaría en Tecnoloxías Industriais
- PARS en Mestrado en Enxeñaría Biomédica vía Grao en Enxeñaría Biomédica
Na actualidade o conxunto de ambos os dous centros aglutina aproximadamente algo máis de 4.000 alumnos matriculados e 350 profesores, de 15 departamentos, xestionando 3 edificios e case 60.000 m2 de superficie construída; repartidos en dúas sedes:
- Sede Cidade, que integra os edificios e instalacións da antiga EUETI; está situada na Rúa Conde de Torrecedeira da cidade de Vigo.
- Sede Campus, que comprende os edificios e instalacións da antiga ETSEI; está situada no Campus Universitario de Lagoas-Marcosende.
