Está aberto o prazo de solicitudes para participar no International Project Semester (IPS) organizado pola universidade HTW des Saarlandes, socia da UVigo e situada en Saarbrucken (Alemania).
Características do programa
O IPS é un programa de mobilidade para enxeñería que dura 18 semanas e combina unha estadía de 13 semanas nunha empresa da rexión do estado alemán de Sarre (4 días por semana) con docencia dunha materia técnica impartida na universidade (1 día por semana).
O IPS inclúe tamén cursos preparatorios de alemán, Project management/team building e Comunicación intercultural durante as semanas 1 a 3.
O International Project Semester do 2º cuatrimestre do 23/24 comeza o 25 de marzo de 2024 e remata a finais de xullo de 2024.
A data límite de presentación de solicitudes é o 20 de outubro de 2023 ás 23:59 horas.
Para máis información podedes consultar o folleto adxunto, a web do IPS ou a presentación do programa.
Presentación de solicitudes
Os estudantes interesados en participar no IPS deben completar este formulario (DOCX, PDF e ODT) e remitilo por correo electrónico á subdirección de Relacións Internacionais da EEI antes do 20 de outubro de 2023 ás 23:59 horas (hora peninsular española).
O formulario deberá enviarse desde un enderezo de correo electrónico do dominio @alumnos.uvigo.es.
Os formularios dos alumnos solicitantes enviaranse á HTW des Saarlandes a través da Oficina de Relacións Internacionais da UVigo.
A selección dos estudantes realizarase na universidade socia, quen comunicará por e-mail aos solicitantes a súa aceptación ou exclusión do IPS.
Posibilidades de apoio económico
O IPS é compatible cunha bolsa Erasmus-internships.
A carta de preaceptación que debe presentarse xunto ca solicitude ou no período de subsanación debe ser solicitada á HTW des Saarlandes.
Copyright: Doris Kollmann, director International Office, HTW Saar
