Axenda

10:00 horas - Sede campus. 16:00 horas - Sede cidade

A Escola de Enxeñaría Industrial dará a benvida ao alumnado de novo ingreso o 2 de setembro cunha xornada de acollida que se desenvolverá en horario de mañá na Sede Campus e en horario de tarde na Sede Cidade, co obxectivo de facilitar a incorporación á vida universitaria e dar a coñecer a Escola, os seus servizos e recursos.

🟦 Sede Campus
 

📅 2 de setembro · 🕙 10:00 h · 📍 Salón de Actos

Programa
 

• 10:00 – 10:10 h: Benvida.
• 10:10 – 11:45 h: Actividades de acollida.
• 11:45 – 11:55 h: Información sobre prevención de riscos.
• 11:55 – 12:00 h: Peche.

🟩 Sede Cidade

📅 2 de setembro · 🕓 16:00 h · 📍 Paraninfo

Programa
 

• 16:00 – 16:10 h: Benvida.
• 16:10 – 17:45 h: Actividades de acollida.
• 17:45 – 17:55 h: Información sobre prevención de riscos.
• 17:55 – 18:00 h: Peche.

Importante: para participar nestas xornadas é imprescindible realizar o rexistro previo a través do formulario de inscrición.

Podes consultar toda a información na nova publicada na web da EEI.

Organizado por CINTECX, converterá a EEI nun espazo de referencia para o intercambio de coñecemento, a innovación e a colaboración científica.
  

As instalacións da Escola de Enxeñaría Industrial (EEI) acollerán os próximos 21 e 22 de xullo o congreso internacional DCETIP 2026, organizado por CINTECX. Este encontro doutoral reunirá persoal investigador especializado en enerxía, tecnoloxías avanzadas e procesos industriais para compartir coñecemento, presentar os resultados das súas investigacións e fomentar novas colaboracións.

O congreso está dirixido a persoal investigador en etapas iniciais, doutorandas e doutorandos, persoas recentemente doutoradas e profesionais do ámbito industrial interesados en presentar os seus traballos ou debater novas liñas de investigación nun contorno de carácter internacional.

Concibido como un espazo para o intercambio de ideas e a creación de sinerxías, DCETIP 2026 ofrecerá un programa científico que abordará algúns dos principais retos e avances da investigación industrial. O encontro favorecerá o diálogo entre o mundo académico e o sector empresarial, impulsando a colaboración, a transferencia de coñecemento e o desenvolvemento de novas liñas de investigación.

Ademais, contará coa participación de destacadas figuras de referencia internacional, cuxas relatorios achegarán unha visión actualizada dos avances máis relevantes nestes ámbitos. A súa presenza reforza a dimensión internacional do congreso e o compromiso de CINTECX coa excelencia científica e a atracción de talento investigador.

O programa completo do congreso pode consultarse no sitio web oficial de DCETIP 2026.

Un encontro para coñecer experiencias inspiradoras e novas oportunidades na carreira investigadora.

A Escola de Enxeñaría Industrial (EEI) e CINTECX organizan o vindeiro 18 de xuño a xornada "Claves para a Carreira Investigadora: Divulgación Científica e Perspectiva de Xénero en Enxeñaría", unha actividade enmarcada no Programa Mentoring de CINTECX e na conmemoración do Día Internacional da Muller na Enxeñaría (23 de xuño).

Terá lugar na Aula de Grao da Escola de Enxeñería Industrial - Sede Campus.

O encontro está dirixido ao persoal investigador predoutoral, persoas doutoradas recentemente, así como ao alumnado de TFG e TFM interesado en coñecer mellor os retos e oportunidades da carreira investigadora.

Ao longo da xornada abordaranse cuestións de especial relevancia para o desenvolvemento profesional do persoal investigador, entre elas:

• 📢 A importancia da divulgación científica na carreira investigadora.
• 🛠️ Ferramentas e boas prácticas para comunicar a investigación á sociedade.
• 🌍 Experiencias de divulgación científica e participación en proxectos europeos.

Ademais, celebrarase a mesa redonda "Divulgación científica e perspectiva de xénero en enxeñaría", na que investigadoras e profesionais de distintos ámbitos compartirán experiencias e reflexións sobre os desafíos e oportunidades para avanzar cara a unha maior visibilidade e participación das mulleres na enxeñaría.

No marco desta celebración presentarase tamén a I Edición dos Premios CINTECX–EEI-Beatrice Hicks, unha iniciativa destinada a poñer en valor referentes femininos que contribuíron a abrir camiño ás mulleres no ámbito tecnolóxico e industrial.

📍 Lugar: EEI – Sede Campus (Vigo) (pendente de confirmación)

🕙 Horario: 10:00 – 12:00 horas

🎟️ Acceso libre. Prazas limitadas ata completar aforo.

 
📝 As persoas interesadas deberán formalizar a súa inscrición antes do 15 de xuño a través do formulario habilitado.