O alumnado de 1º curso poderá solicitar un cambio de grupo ata o luns 27 de xullo ás 14:00 horas.
Non se atenderán as solicitudes presentadas fóra de prazo nin aquelas que non sigan o procedemento establecido.
Non se aceptan cambios de subgrupos de prácticas.
Causas excepcionais para solicitar o cambio
Os cambios de grupo só poderanse solicitar, con carácter excepcional, polas seguintes causas xustificadas, dentro dos criterios establecidos pola EEI:
- Alumnado con contrato de traballo debidamente documentado mediante a vida laboral, cando a relación contractual sexa anterior á matrícula do estudante e teña unha antigüidade mínima de tres meses con respecto á data de matrícula.
- Alumnado ao abeiro do Artigo 12 do Estatuto do Estudantado Deportista na Universidade de Vigo (Alto rendemento ou profesionais).
- Alumnado ao abeiro da Lei 39/2006, de 14 de decembro, de Promoción da Autonomía Persoal e Atención ás persoas en situación de dependencia.
En todo caso, a presentación da solicitude non implica a concesión do cambio, que estará condicionada ás necesidades derivadas da organización docente.
Procedemento
A solicitude deberá presentarse a través do seguinte formulario (aberto ata o luns 27 de xullo ás 14:00 horas).
Antes de enviar a solicitude, comproba que indicas un grupo válido, en caso contrario a solicitude non será atendida. Podes consultar os grupos no seguinte apartado da web da EEI: Instrucións para seleccionar grupo
Deberás achegar a documentación xustificativa correspondente ao cambio solicitado. Non se tramitarán solicitudes que non estean debidamente xustificadas.
Se o cambio de grupo é concedido non será posible solicitar un novo cambio nin volver ao asignado inicialmente.
