Convocatoria programa de mobilidade Stella Junior 2022

O Grupo Compostela de Universidades, ao que pertence a UVigo vén de publicar a convocatoria do programa de mobilidade Stella Junior 2022.

O orzamento destinado a bolsas na convocatoria 2022 é de 4000 EUR, que serán distribuídos a través das bolsas individuais ata esgotalo. Cada bolsa contará cunha dotación económica de 400 EUR.

A partir do 11 de abril, publicaranse na web do GCU as ofertas de mobilidade.

O prazo de presentación de solicitudes por parte dos estudantes rematará o 11 de maio ás 12:00 h.

Os formularios de solicitude de bolsa deberán cumprimentarse en liña e en inglés.

Nas bases da convocatoria 2022 indícase a documentación necesaria para anexar ás solicitudes.