En nome de todo o persoal da Escola de Enxeñería Industrial da Universidade de Vigo, darvos a benvida ao novo curso académico 2024/25, de maneira moi especial ao alumnado que se incorpora por primeira vez á vida universitaria.
Tamén queremos aproveitar para agradecervos a confianza depositada na nosa Escola e dicirvos que é o noso maior desexo que este período de formación na EEI permítavos acadar todas as vosas metas e desenvolvervos tanto no plano profesional coma no persoal.
Na seguinte ligazón e na axenda podes atopar o programa das xornadas de acollida: Programa actividades de acollida
Alumnado de Primeiro curso que se matricula por primeira vez
Lembrámosvos que as datas nas que están programadas son as seguintes: mércores 4 e xoves 5 de setembro.
Para asistir a esta xornada debes facer o rexistro no seguinte formulario antes do 1 de setembro: rexistro actividades de acollida.
Co obxecto de que poidamos dispoñer de certa información relativa a túa procedencia, que nos permita continuar mellorando no proceso formativo, agradecémosche que cubras o seguinte formulario: enquisa alumnado novo ingreso.
Proximamente publicaremos toda a información relativa ás xornadas de acollida para o alumnado de continuación de estudos e dos mestrados.
