O próximo luns 14 de novembro comezarán as JAI’2022, a VIII Xornadas sobre Tecnoloxías e Solucións para a Automatización Industrial que recuperan o seu formato presencial.
Cun cartel de excepción que reunirá a máis de 35 empresas e preto de 70 relatores e 40 relatorios, as “JAI” convertirán a Vigo durante cinco días (do 14 ao 18 de novembro) no epicentro do sector.
O programa de relatorios de cada día culminará cunha mesa redonda sobre os temas máis candentes do sector (Ciberseguridade, Condition Monitoring, Robótica Móbil e Visión e Intelixencia Artificial).
Todos os relatorios terán lugar no Salón de actos da Escola de Enxeñería de Telecomunicación (ver ubicación).
Ademais, na entrada da Escola de Enxeñeria Industrial poderase disfrutar dun Showroom no que se poderán coñecer in situ innovadoras solucións en ata uns 30 expositores.
Trátase en definitiva dun dos eventos máis importantes do panorama nacional no ámbito dea automatización, robótica e dixitalización industrial, no que xa hai rexistrados a día de hoxe máis de 1000 profesionais e 1000 alumnos/as de universidade e formación profesional.
Se queres seguir as xornadas gratuítamente na modalidade en liña, unicamente tes que rexistrarche en https://jai.teltek.es indicando “UNIVERSIDAD DE VIGO” como entidade que convida (colaboradora do evento) e “TKUVJA22” como código da invitación.
Vémonos nas JAI’2022!
