Xa está en marcha a 13º edición do Salón de Oferta de Educación e Formación de Galicia (EDUGAL) e a Escola de Enxeñeria Industrial non podía faltar a unha cita tan importante como esta.
Poderás visitalo do 9 ao 11 de outubro de 2024, no Recinto Feiral de Pontevedra.
Esta celebración pretende posicionarse coma o salón educativo de referencia en Galicia, tratando de dar resposta ás necesidades de información sobre a oferta educativa e facilitar orientación educativa aos estudantes, centros profesionais de educación e familias, axudando aos estudantes a decidir eficazmente o seu futuro formativo e profesional.
Así, toda a información sobre formación e orientación educativa en Galicia estará presente na feira, convertíndose nun punto de encontro de estudantes, profesores, orientadores, pais e nais, responsables de centros educativos e profesionais da educación.
A través de distintas charlas, demostracións e obradoiros, os estudantes poderán valorar as distintas opcións formativas das que dispoñen e tomar a mellor decisión sobre a súa formación.
A Escola de Enxeñería Industrial non podía faltar a unha cita tan importante como a Feira EDUGAL.
A entrada é gratuíta e o horario de 10:00 a 18:00 horas (mércores e xoves) e de 10:00 a 15:00 horas (venres).
Podes consultar máis información no arquivo adxunto e na ligazón Feira Edugal.
Documentos e enlaces
