Event Information:
-
Tue20Oct2026Escola de Enxeñería Industrial - Sede Campus
50 aniversario dos estudos de enxeñería industrial
Un encontro coa historia - viaxando no tempo
📅 20 de outubro
📍 Escola de Enxeñería Industrial – Sede Campus
Un primeiro encontro aberto á comunidade para poñer en valor a traxectoria da Enxeñería Industrial en Vigo e a súa contribución ao desenvolvemento industrial, tecnolóxico e social da nosa contorna.
Entrada libre e sen necesidade de inscrición previa.
A Escola abre as súas portas para viaxar no tempo. Alumnado, profesorado e persoas egresadas percorrerán a Escola dos seus primeiros anos, recuperarán a moda de diferentes décadas e celebrarán xuntos medio século de historia, nunha xornada que terá como escenario o vestíbulo da Escola.
Programa
12:00 h | Inmersión na Escola da épocaViaxe no tempo aos primeiros anos da Escola, con aulas e espazos ambientados nos anos 70. Material docente, apuntamentos, regras de cálculo e fotografías da época permitirán descubrir como se estudaba Enxeñaría Industrial naquela época.
12:30 h | Radio en directo desde o vestíbuloEmisión en directo ata as 14:00 h, con entrevistas a persoas de diferentes promocións, música de época e fotografías que repasan os 50 anos de historia dos estudos de Enxeñaría Industrial.
13:00 h | Concurso de vestimenta de épocaO alumnado recuperará a moda das diferentes décadas da Escola, desde os anos 70 ata a actualidade, nun desfile no vestíbulo que será retransmitido en directo pola radio. Haberá un premio á mellor caracterización.
