Formalization External Internships/convalidation

Proceso para a formalización dunhas prácticas extracurriculares en empresa e convalidación pola materia de “Prácticas curriculares/optativa”

Tal como se indica na normativa de prácticas da EEI, para poder realizar unhas Prácticas Extracurriculares (P.E.) os alumnos deberán cumprir dous requisitos.

• Ser alumno/a da UVIGO.
• Ter superado o 50% dos créditos necesarios para obter o título de grao.

Se o estudante desexa convalidar as (P.E.) pola materia de Prácticas Curriculares (P.C.)/optativa, ao finalizar o período de prácticas, deberá cumprir:

• Ter superado polo menos 150 créditos.
• As prácticas deben ser xestionadas pola FUVI.
• As prácticas deberán ter unha duración mínima de 180 horas.

O estudante deberá contactar cunha empresa para a realización das súas (P.E.). Aconséllase visitar o portal de emprego da EEI.

Para a formalización das (P.E.) deberán seguirse os seguintes pasos:

• Deberá comprobarse se a empresa ten asinado un convenio de cooperación coa UVigo, específico para a realización de prácticas. Este convenio é distinto ao que se pide para a realización dun TFG/TFM: https://www.uvigo.gal/estudar/empregabilidade/practicas/convenios-practicas
• Se a empresa non ten asinado o convenio, deberá enviar un correo a: eei.empresas@uvigo.gal, indicando o nome completo da empresa e un enderezo de correo electrónico.
• Cubrir e asinar o documento de formalización proporcionado pola FUVI. Este documento, unha vez cuberto e asinado, enviarase a eei.centro.departamentos@uvigo.gal e a empresa quedarase cunha copia. Se o proceso o realiza a FUVI, este organismo encargarase deste paso. Ata que este documento non estea asinado, non se poderá comezar a actividade na empresa. Este documento é o que dá vixencia aos seguros contratados pola UVigo.

Anexos para a valoración das prácticas:

• Anexo IV. Valoración titor na empresa.
• Anexo V. Informe titor académico.
• Anexo VI. Valoración estudante.
• Anexo X. Certificado de prácticas.

Estes catro anexos debe envialos o titor académico á área de apoio a centros e departamentos (eei.centro.departamentos@uvigo.es), indicando se se solicita a convalidación das prácticas.

O alumnado, uns días antes de finalizar a práctica, deberá enviar ao seu titor académico o anexo VI, xunto coa memoria final das prácticas. No apartado documentos e ligazóns tedes información relativa a como elaborar esta memoria final.