Diary

Iniciativa organizada pola Unidade de Cultura Científica e da Innovación da Uvigo.

Esta xornada está enmarcada dentro das actividades do Día Internacional da Muller e a Nena na Ciencia. É unha oportunidade para dar a coñecer á sociedade e ás alumnas o que se fai na Escola de Enxeñaría Industrial da Universidade de Vigo. Unha actividade divulgativa esencial para dar visibilidade ao traballo das investigadoras, científicas e enxeñeiras da institución e fomentar as vocacións entre as xeracións máis novas.

O programa previsto para esta xornada é o seguinte:

9:30 - 9:35 horas: Foto grupal na entrada da EEI.

9:40 - 9:55 horas: Benvida por parte da Subdirectora de Alumnado e Relacións Institucionais da EEI – Actividade 11F: E ti, queres ser enxeñeira?

9:55 - 10:15 horas: Relatorio a cargo de Ana Mejías Sacaluga - Docente e Enxeñeira de Organización Industrial da EEI.

10:15 - 11:00 horas: Relatorio a cargo de Sonia Segade Blanco - Directora de transformación dixital e tecnoloxía de RENFE.

11:00 - 11:45 horas: Actividade 11F/Parte 1 – Enxeñeiras da EEI: Entrevista.

11:45 - 12:10 horas: Descanso.

12:10 - 12:30 horas : Showroom das JAI'2025.

12:30 - 13:20 horas: Actividade 11F/Parte 2 – Así imaxinabas a unha enxeñeira?

13:20 - 13:25 horas: Peche da Actividade 11F.

13:25 - 13:30 horas: Dirección cara aos autobuses.

O luns 10 de febreiro comezan as JAI'2025, a X Edición destas "Jornadas sobre Tecnologías y Soluciones para la Automatización Industrial".
  

Ás 11:00 horas terá lugar o acto oficial de apertura no Salón de actos da Escola de Enxeñería Industrial - Sede Campus.

 
Estas xornadas celebraranse do 10 ao 14 de febreiro e contarán con máis de 50 relatorios de expertos de empresas punteiras no ámbito da automatización. Temas como intelixencia artificial, robótica móbil, sustentabilidade enerxética e ciberseguridade serán protagonistas.

 
Xunto co programa de relatorios, haberá catro mesas redondas, que analizarán os retos e oportunidades do sector, e unha grande exposición de robótica, que se celebrará na entrada da Escola de Enxeñería Industrial, onde os asistentes poderán interactuar coas solucións más innovadoras e explorar casos de éxito reais.

 
Podes consultar máis información na web das JAI.

 
Esperámosvos na UVigo do 10 ao 14 de febreiro!

Do 10 ao 14 de febreiro de 2025 terán lugar, na Aula de Grao e entrada principal da Escola de Enxeñería Industrial (Sede Campus), as I Xornadas de Enxeñería Biomédica – JIB’2025
  

O programa inclúe os seguintes relatorios:
 

• Martes 11 de febreiro (12:00 - 13:30): Simposio «Enxeñaría da Saúde I» sobre «Tecnoloxía e IA para transformar o manexo da apnea do sono», con María Luisa Torres e Manuel Casal (Hospital Álvaro Cunqueiro).
• Xoves 13 de febreiro (12:00 - 13:30): Simposio «Enxeñaría da Saúde II» sobre «Presente e futuro da cirurxía endovascular», con José Manuel Encisa de Sá (Hospital Álvaro Cunqueiro) e José Manuel Blanco Rey (Siemens Healthineers).

Ademais, durante toda a semana, haberá un showroom de equipamento biomédico, onde se presentarán servizos do Hospital Álvaro Cunqueiro e empresas como BETA Implants, KUNE IMPLANTS e FABRX, que non vos podedes perder.

 
Podedes consultar máis información en JIB'2025.

Esperámosvos!