Master’s Degree in Autonomous Vehicles

O Mestrado Universitario en Vehículos Autónomos é un título conxunto de modalidade híbrida desenvolvido pola Universidade da Coruña, pola Universidade de Santiago de Compostela e pola Universidade de Vigo, como coordinadora. Inclúese na Guía G2030 “Perfís Profesionais de Futuro e Novas Titulacións e Especialidades” formando parte do catálogo de perfís consensuado co tecido socioeconómico do territorio e avaliado por un intenso proceso participativo e de análise benchmark. Esta análise desenvolvida no proxecto G2030 orientouse a identificar as titulacións que permiten cubrir de forma exitosa as competencias clave dos roles do Catálogo de Perfís Profesionais de Futuro non cubertos polo Sistema Universitario Galego (SUG).

• Proporcionar unha formación avanzada en temas de mobilidade a todos os entornos (terrestre, aéreo e mariño), cunha clara orientación cara a unha especialización profesional de alto nivel, que axude a coñecer os aspectos e os retos tecnolóxicos da mobilidade e, á vez, sexa un instrumento que permita mellorar a empregabilidade dos egresados e que favoreza a promoción de
  iniciativas para o desenvolvemento da nosa Comunidade Autónoma en sectores estratéxicos.
• Formarase ao alumnado nos ámbitos de coñecemento que subxacen na mobilidade autónoma, entre os que se inclúen as telecomunicacións, a electrónica, o deseño industrial, a robótica e a intelixencia artificial, entre outros.
• Preténdese ofrecer unha formación superior a nivel MECES 3 (EQF 7) que complemente e reforce a formación dos graduados, fundamentalmente das enxeñarías, constituíndo unha vía para a especialización dos estudantes nun ámbito moi demandado polas sociedades desenvolvidas, os vehículos autónomos, e cun enorme potencial de cara ao futuro.

Os resultados de aprendizaxe que se alcanzarán coa realización deste mestrado, de acordo ao recollido no punto 2 do Anexo II do Real Decreto 822/2021, están estruturados en tres categorías:

• Coñecementos
• Habilidades
• Competencias

Pódense consultar neste apartado: resultados aprendizaxe MVA.

Criterios de acceso

Os requisitos de acceso ao Mestrado Universitario en Vehículos Autónomos son, con carácter xeral, os que se recollen no artigo 18 do RD 822/2021, do 28 de setembro.

O acceso ao título axustarase ás disposicións do Ministerio, da Comunidade Autónoma de Galicia, e ao que se dispoña no desenvolvemento normativo da Universidade de Vigo, a Universidade da Coruña e a Universidade de Santiago de Compostela. 

Nas páxinas das tres universidades recóllense de forma detallada os aspectos relevantes de admisión e matrícula:

Universidade de Vigo:

• https://www.uvigo.gal/en/study/access/access-masters
• https://www.uvigo.gal/en/study/students-management/registration/masters-degree-enrolment

Universidade da Coruña:

• https://www.udc.gal/en/matricula/

Universidade de Santiago de Compostela

• https://www.usc.gal/en/admision/master/matricula

As persoas que queiran ser admitidas no título deberán estar preferentemente en posesión dun Grao nalgunha das seguintes enxeñerías:

• Mecánica, Electrónica Industrial e Automática, Tecnoloxías Industriais, Eléctrica, da Enerxía, de Tecnoloxías de Telecomunicación, Aeroespacial, Intelixencia Artificial, Informática, Robótica, Naval e Oceánica e Tecnoloxías Mariñas.

Para outras titulacións do ámbito científico e tecnolóxico, a Comisión Académica poderá valorar a experiencia laboral.

O RD 822/2021 do 28 de setembro, polo que se establece a ordenación das ensinanzas universitarias oficiais, no seu artigo 18 indica que os estudantes poderán ser admitidos a un mestrado conforme aos requisitos específicos e criterios de valoración de méritos que, no seu caso, sexan propios do título de Mestrado Universitario ou establezan as Universidades que o impartan.

O perfil de egreso do Mestrado Universitario en Vehículos Autónomos define a un profesional de alta cualificación técnica e especialista na enxeñaría de sistemas autónomos e vehículos non tripulados. O alumnado que completa este título adquire capacidades avanzadas para deseñar, desenvolver e operar sistemas intelixentes aplicados aos sectores de automoción, naval e aeronáutico.

Grazas á súa formación integral, os egresados poden desenvolver a súa carreira tanto no ámbito público como no privado, integrándose en:

• Fabricantes e provedores: Empresas do sector da automoción (como Stellantis ou o CTAG), estaleiros navais ou industria aeroespacial.
• Tecnolóxicas e software: Compañías especializadas no desenvolvemento de software avanzado e intelixencia artificial.
• Seguridade e defensa: Organizacións orientadas ao desenvolvemento e control de vehículos non tripulados e tecnoloxías vinculadas.
• Medio ambiente e consultoría: Empresas que requiren automatización para a monitorización ambiental ou loxística intelixente.

Podes consultar a planificación na seguinte ligazón: planificación académica.