O desenvolvemento da nosa Misión e o avance cara á nosa Visión como Escola, deben realizarse no marco duns principios e valores que os Grupos de Interese debemos compartir no posible e convertelos así en parte esencial da nosa cultura.
Os catro principios fundamentais que apoiarán o desenvolvemento da nosa Misión e Visión son:
| Innovación na ensinanza | En programas, contidos, medios docentes, formatos de ensinanza…, que son continuamente revisables para adaptalos ás necesidades e últimas tendencias. |
| Colaboración | Estamos convencidos de que a nosa Misión e Visión requiren a suma de competencias de todos aqueles que teñan algo que aportar e estamos abertos a colaborar con eles. |
| Cultura da calidade | Somos conscientes da necesidade de implantar a cultura do esforzo e asumimos a necesidade do rigor a través da mellora continua e procura da eficiencia en todos os procesos. |
| Boa gobernanza | Somos transparentes e rendemos contas periodicamente sobre a xestión. |
