O mércores 16 de outubro ás 17:30 horas terá lugar no Paraninfo da Escola de Enxeñería Industrial – Sede Cidade unha nova edición da Xornada das Profesións.
Esta xornada, organizada polo Colexio Oficial de Enxeñeiros Técnicos Industriais de Vigo, o Ilustre Colexio Oficial de Enxeñeiros Industriais de Galicia e a Escola de Enxeñería Industrial, está dirixida a alumnos da nosa Escola recentemente titulados ou nos últimos cursos.
Hai 100 prazas dispoñibles que se adxudicarán por orde de inscrición a través do seguinte formulario.
Enviarase un certificado de asistencia aos participantes.
Non perdas esta oportunidade e reserva a túa praza! Poderás informarte sobre temas tan importantes para o teu futuro profesional coma o autoemprego, o exercicio libre da profesión, exercicio no estranxeiro, administración pública, prácticas en empresa e moitos máis. Ademais, podes facernos chegar a través do formulario as dúbidas e preguntas que che gustaría trasladar aos relatores.
Proximamente publicaremos o programa completo da xornada. Permanece atento ás novidades!
