A Escola de Enxeñería Industrial quere amosar toda a súa solidariedade e apoio ás vítimas da DINA, que afectou especialmente á Comunidade Valenciana, e enviar todo o seu agarimo aos afectados e familiares.
Como mostra desta solidariedade, a Delegación do Alumnado da Escola habilitou dous puntos de recollida de produtos de primeira necesidade para os afectados, un na Sede Cidade e outro na Sede Campus, ao carón da conserxaría.
Agradécese fundamentalmente a entrega dos seguintes produtos:
- Botellas de auga.
- Alimentos sen glute.
- Alimentos sen lactosa.
- Conservas.
- Patés.
- Comida para bebés.
- Leite preparado para bebés.
- Comida para animais.
Estes puntos estarán dispoñibles ata o vindeiro mércores 4 de decembro.
Calquera achega, por pequena que sexa, ten un gran valor polo que vos animamos a participar nesta campaña de recollida e axudar a paliar os efectos da situación tan crítica que se está a vivir.
