Este xoves 27 de xuño de 16:30 a 19:00 horas terá lugar no salón de actos da EEI – Sede Campus, a presentación do novo modelo de vehículo UM24, deseñado por UVigo Motorsport.
UVigo Motorsport é o único equipo de Fórmula Student de Galicia, creado no ano 2014 por un grupo de rapaces e rapazas da Escola de Enxeñería Industrial, que está integramente formado por estudantes da Universidade de Vigo e que ten como obxectivo deseñar e fabricar un vehículo monopraza de competición co que participar na Fórmula Student, a competición interuniversitaria automovilística máis prestixiosa do mundo.
Estamos desexando coñecer as novidades do novo modelo deste ano, co que os nosos estudantes enfrontaranse a novos desafíos, buscando acadar o seu máximo rendimiento e superar os resultados acadados na temporada pasada.
Co novo vehículo UM24 participarán nas seguintes competicións:
- Fórmula Student Netherlands, do 13 ao 18 de xullo no TT Circuit Assen (Holanda).
- Fórmula Student Spain, do 1 ao 8 de agosto no Circuit de Barcelona (Montmeló).
Non perdas a oportunidade e achégate a coñecer todas as novidades deste novo vehículo!
