Está publicada a convocatoria Erasmus-prácticas para o curso 2024/25 que financia estadías de carácter práctico en institucións da Unión Europea (empresas, universidades, centros de investigación, etc.).
O período de solicitudes comeza o día 3 de xullo de 2024 e, como novidade, non terá prazos fixos de solicitude. É dicir, o período de solicitudes permanecerá permanentemente aberto ata a finalización de fondos dispoñibles asignados para esta convocatoria e con data límite ata o 30 de novembro de 2024.
Nesta ligazón tedes as bases da convocatoria e os modelos de documentos que se deben aportar.
O formulario de solicitude debe cubrirse en línea na plataforma MoveON a través da ligazón:
https://uvigo.moveon4.de/form/60c38279ac1c46496e1da6e4/spa
A contía da bolsa depende do nivel de vida do país de destino segundo a táboa recollida nas bases da convocatoria.
Haberá dúas sesións informativas:
- O venres 5 de xullo de 11:00 a 11:30 na sala REU-Campus do Campus Remoto (clave alumno: cYW2XD5F).
- O luns 8 de xullo de 15:00 a 15:30 na sala REU-Campus do Campus Remoto (clave alumno: cYW2XD5F).
